BBC News, සිංහල - ප්රධාන පුවත්
ප්රධාන පුවත
ඩොලර් මිලියන 2.5ක් හැකර් ගිණුමකට බැර කිරීම: CID නිලධාරීන්ගෙන් අධිකරණය වෙත අලුත් කරුණු
මහා භාණ්ඩාගාරය හරහා ණය වාරිකයක් ගෙවීමේදී ශ්රී ලංකා මහ බැංකුව සතු ඇමෙරිකානු ඩොලර් මිලියන 2.5ක මුදලක් හැකර් ගිණුමකට බැර කිරීමේ සිද්ධිය සම්බන්ධව සිදු කරන විමර්ශනවල ප්රගතිය ජූලි මස 08 වන දා ඉදිරිපත් කරන ලෙස කොළඹ කොටුව මහේස්ත්රාත් අධිකරණය අද (ජූනි 03) අපරාධ පරීක්ෂණ දෙපාර්තමේන්තුවට නියෝග කළේ ය.
T20 කාන්තා ලෝක කුසලානය 2026: ශ්රී ලංකාවට නායකත්වය දෙන චමරි අතපත්තු ගැන ඔබ දැනගත යුතු තොරතුරු
"මම ක්රිකට් ගහන්න ආවේ අප්පච්චි නිසයි. එයා නැති වුණාම මම ක්රිකට් නවත්තන්න හැදුවා. ඒත් අම්මා කිව්වෙ ඔයා අප්පච්චිගෙ කැමැත්ත දිගටම කරගෙන යන්න කියලා. අපේ මාමා තමයි මගේ පුහුණුකරු. ඉතින් අප්පච්චිගෙ සහ මාමාගෙ අරමුණු ඉටු කරන්න කිව්වා. ඒ දෙදෙනාටම දෙන ලොකුම තෑග්ග ඔයා ක්රිකට් ගහන එක කියලා අම්මා මාව ධෛර්යමත් කළා."
පාස්කු ප්රහාරය: හිටපු ජනාධිපති ගෝඨාභය රාජපක්ෂගේ විදෙස් ගමන් තහනම්
පාස්කු ඉරුදින ප්රහාර සිද්ධිය සම්බන්ධයෙන් සිදු කෙරෙන විමර්ශනයට අදාළව හිටපු ජනාධිපති ගෝඨාභය රාජපක්ෂගේ සහ හමුදා නිලධාරීන් දෙදෙනෙකුගේ විදේශ ගමන් තහනම් කරන ලෙස කොළඹ කොටුව මහේස්ත්රාත් අධිකරණය බදාදා (ජූනි 3) නියම කළේ ය.
සුපිරි ඩීසල් ලීටරයකින් රු. 397ක අලාභයක්: ඉන්ධන මිලට රජය දෙන සහනය අවසන් වුවහොත් සිදු විය හැක්කේ කුමක් ද?
අප්රේල් මාසයේදී ඔක්ටේන් 92 වර්ගයේ පෙට්රල් ලීටරයක් වෙනුවෙන් රුපියල් 34.59ක්, ඔක්ටේන් 95 වර්ගයේ පෙට්රල් ලීටරයක් සඳහා රුපියල් 22.46ක්, ලංකා ඔටෝ ඩීසල් සඳහා රුපියල් 367.70ක්, ලංකා සුපිරි ඩිසල් ලීටරයක් වෙනුවෙන් රුපියල් 397.07ක් සහ භූමිතෙල් ලීටරයක් සඳහා රුපියල් 325.53ක පාඩුවක් දැරීමට රජයට සිදුව ඇත.
පැසිෆික් සාගරයේ සිට මහද්වීප පසු කර පැමිණෙන සුපිරි එල් නිනෝව ශ්රී ලංකාවට ඇති කරන බලපෑම කුමක් ද?
පසුගිය වසර අවසානයේ දිට්වා සුළි කුණාටුවෙන් සිදු වූ දැවැන්ත විනාශයෙන් පසුව තවමත් එයින් යථා තත්ත්වය පැමිණීමට උත්සාහ කරන අපට පැසිෆික් සාගරයේ සිදුවන කාලගුණ වෙනස්වීම් බලපාන්නේ කෙසේ ද? එය අපගේ කාලගුණයට සහ විශේෂයෙන් ම ආහාර සැපයුමට බලපෑමක් ඇති කරනවා ද? මේ, ඒ සම්බන්ධයෙන් බීබීසී සිංහල සිදු කළ සොයා බැලීමකි.
BBC News සිංහල දැන් WhatsApp ඔස්සේ
ඔබට ඩේටා ඉතුරු කර ගැනීමට අවශ්ය ද?
අවම ඩේටා ප්රමාණයකින් කියවිය හැකි අපගේ පෙළ පමණක් සහිත වෙබ් පිටුව කියවන්න
වෘත්තීය සහ දිවිමග
විශේෂාංග
Exclusive: ප්රමාදයට හේතු සොයා සාගරිකා දුම්රියෙන් බෙලිඅත්තේ සිට කොළඹ කොටුවට බීබීසීය ගිය ගමන
ප්රමාදයන් ගැන නිතර අසන්නට ලැබෙන මුහුදුබඩ දුම්රිය මාර්ගයේ දුම්රිය ප්රමාදය නිසා මගීන්ට විඳීමට සිදුව ඇති දුෂ්කරතා ගැන සොයා බැලීම සඳහා මැයි (25 වැනි සඳුදා) බෙලිඅත්තේ සිට කොළඹ කොටුව දක්වා උදෑසන කාර්යාල දුම්රියෙන් අපි කොළඹ කොටුව දක්වා පැමිණියෙමු.
ශ්රී මහ බෝධියේ වැලි මළුවේ ටෙරාකොටා ඇතිරීම: 'ලිඛිත ඉතිහාසයක් ඇති ලොව පැරණි ම වෘක්ෂය අවදානමක'
ලොව පුරා බෞද්ධයන්ගේ ගෞරවයට පාත්ර වී ඇති, ශ්රී ලංකාවට ජාතික උරුමයක් වශයෙන් ද වැදගත් වන අනුරාධපුර, ශ්රී මහා බෝධිය වටා කරන ලද ප්රතිසංස්කරණ කටයුත්තක් හේතුවෙන් බෝධියේ ජීවයට බලපෑම් එල්ල කළ හැකි බවට අනතුරු ඇඟවීම් කර තිබේ.
ඉන්ධන අර්බුදයට මුහුණ දීමට ශ්රී ලංකාව ගෙන ඇති පියවර ප්රමාණවත් ද? සෙසු රටවල් ගෙන ඇති පියවර මොනවා ද?
අනිසි ලෙස ඉන්ධන රැස් කිරීම වැළැක්වීම, පරිභෝජනය අඩු කිරීම සහ ඉන්ධන අර්බුදයට මුහුණ දීම සඳහා රජය ඉන්ධන නිකුත් කිරීම සීමා කිරීමට, පෙර පැවති QR කේත ක්රමය යළිත් ආරම්භ කළ අතර, ඊට අමතරව වාහන අංක අනුව ඔත්තේ - ඉරට්ටේ දින අනුව ඉන්ධන ලබා දීමට කටයුතු කළේ ය. තවමත් එම ක්රමවේද ක්රියාත්මක වුව ද ඒවා නිවැරදි ආකාරයට ක්රියාත්මක නොවන අවස්ථා පිළිබඳව ද නිරන්තරයෙන් වාර්තා වේ.
වසර ගණනකට පසු කරළියට ආ ජාතික කලාභවනේ සිතුවම් 42ක් අතුරුදන් වීමේ සිද්ධිය: දැන් සිදුවන්නේ කුමක් ද?
දශකයකට වැඩි කාලයක් තිස්සේ ප්රතිසංස්කරණ කටයුතු සඳහා වසා දමා තිබෙන ජාතික කලාභවන සතු පෞරාණික චිත්ර කිහිපයක් අතුරුදන්ව ඇතැයි සංස්කෘතික කටයුතු අමාත්යවරයා අනාවරණය කළේ ය. ජාතික කලාභවන සම්බන්ධව පාර්ලිමේන්තු මන්ත්රී මුජිබර් රහුමාන් පාර්ලිමේන්තුවේ අසන ලද ප්රශ්න කිහිපයකට පිළිතුරු දෙමින් මැයි 21 වන දා බුද්ධශාසන, ආගමික සහ සංස්කෘතික කටයුතු අමාත්ය හිනිදුම සුනිල් සෙනෙවි ඒ බව පැවසීය.
වාහන අධිභාරය ගැන ජනපතිගේ ගැසට් පත්රය නිකුත් වීමට පෙර ව්යාපාරිකයින් අතට තොරතුරු ලැබුණා ද?
මැයි 15 වන දා, එනම්, අධිභාරය ක්රියාත්මක වීමට පෙර දින වාහන ආනයනය කිරීම සඳහා ණයවර ලිපි 4000ක් විවෘත කර ඇති බව නිරෝෂන් පාදුක්ක පැවසීය. ඔහු චෝදනා කළේ, වාහන ආනයනකරුවන් දෙදෙනෙකු ණයවර ලිපි 3500ක් සහ 500ක් බැගින් විවෘත කර ඇති බව වාර්තා වන බව ය. ඒ අනුව, එම ව්යාපාරිකයින් අදාළ ගැසට් පත්රය නිකුත් කිරීමට පෙර බද්ද සම්බන්ධ තොරතුරු ලබා දීමෙන් අභ්යන්තර තොරතුරු පිටතට ලබා දීමක් සිදු කර ඇති බවට ඔහු චෝදනා කළේ ය.
