Գլխավոր էջ
Շաբաթվա հոդված
Էդվարդ Թիչ (անգլ.՝ Edward Teach կամ Thatch), առավել հայտնի որպես Սև Մորուք (անգլ.՝ Blackbeard), անգլիացի ծովահեն, ով գործել է Վեստ Ինդիայի ջրերում և Բրիտանիայի հյուսիսամերիկյան գաղութների արևելյան ափերին։ Նա համարվում է պատմության ամենահայտնի ծովահեններից մեկը։
Սև Մորուքի վաղ կյանքի մասին քիչ բան է հայտնի: Հնարավոր է, որ նա նավաստի է եղել Թագուհի Աննայի պատերազմի ժամանակ գործող մասնավոր ռազմական նավերում, նախքան Բահամյան կղզիներում գտնվող Նյու Փրովիդենսում հաստատվելը։ Այն հանդիսացել է կապիտան Բենջամին Հորնիգոլդի բազան, ում անձնակազմին Թիչը միացել է մոտ 1716 թվականին։ Հորնիգոլդը նրան նշանակել է իր կողմից զավթված շլյուպի կապիտան, և երկուսով ձեռնամուխ են եղել բազմաթիվ ծովահենային հարձակումների։ Նրանց ուժերը համալրվել են նավատորմին ևս երկու նավի միացմամբ, որոնցից մեկը ղեկավարել է Սթիդ Բոնեթը։ Սակայն 1717 թվականի վերջին Հորնիգոլդը հեռանում է ծովահենությունից՝ իր հետ տանելով երկու նավ։
Թիչը զավթել է «Լա Կոնկորդ» (ֆրանսերեն՝ La Concorde) ֆրանսիական ստրկատիրական նավը, վերանվանել է այն «Թագուհի Աննայի վրեժը», զինել է 40 թնդանոթով և համալրել ավելի քան 300 հոգանոց անձնակազմով։ Նրա մականունն առաջացել է իր խիտ, սև մորուքից և սպառնալից արտաքինից։ Հաղորդվում է, որ նա գլխարկի տակ վառվող պատրույգներ է կապել՝ թշնամիներին ահաբեկելու համար։ Նա ձևավորել է ծովահենների դաշինք և շրջափակման ենթարկել Հարավային Կարոլինայի Չարլզ Թաուն նավահանգիստը՝ փրկագին պահանջելով դրա բնակիչներից։ Այնուհետև նա «Թագուհի Աննայի վրեժը» նավը խրել է ավազուտի մեջ Հյուսիսային Կարոլինայի Բոֆորտ քաղաքի մոտակայքում։ Նա բաժանվել է Սթիդ Բոնեթից և հաստատվել Հյուսիսային Կարոլինայի Բաթ քաղաքում, որտեղ ստացել է թագավորական ներում։ Այնուամենայնիվ, շուտով նա նորից վերադառնում է ծով, ինչը գրավում է Վիրջինիայի նահանգապետ Ալեքսանդր Սպոտսվուդի ուշադրությունը։ Սպոտսվուդը ձևավորում է զինվորների և նավաստիների խումբ՝ նրան գերեվարելու համար։ 1718 թվականի նոյեմբերի 22-ին Օքրաքոքում տեղի ունեցած կատաղի ճակատամարտից հետո Թիչն ու նրա անձնակազմի մի քանի անդամներ սպանվել են նավաստիների փոքրաթիվ ուժերի կողմից՝ լեյտենանտ Ռոբերտ Մեյնարդի գլխավորությամբ։ Նրա առաջնորդող «Թագուհի Աննայի վրեժը» նավը ջրասուզակների կողմից հայտնաբերվել է 1996 թվականի նոյեմբերին՝ Հյուսիսային Կարոլինայի ափերի մոտ գտնվող Բոֆորտի նեղուցում։
Թիչը խորամանկ և հաշվենկատ առաջնորդ է եղել, ով խուսափել է բռնության կիրառումից՝ դրա փոխարեն ապավինելով իր ահարկու կերպարին, որպեսզի հասնի իր կողմից թալանվող մարդկանց ցանկալի արձագանքին։ Նրա մահից հետո նրա կերպարը ռոմանտիզացվել է՝ դառնալով տիպիկ ծովահենի ներշնչանքի աղբյուր գեղարվեստական տարբեր ժանրերի ստեղծագործություններում։ Ավելին⇒
Նորություններ
Շարունակվող իրադարձություններ՝ Իսրայելա-ամերիկյան հարվածներ Իրանին (2026) • Իրանի բողոքի ցույցեր • Ռուսաստանի ներխուժում Ուկրաինա
- օգոստոսի 2-ին կայացել է Հայաստանի Ազգային ժողովի 9-րդ գումարման անդրանիկ նիստը։
- հուլիսի 30-ին տասը հոգանոց լեռնագնացների խումբը զոհվել է ձնահյուսի հետևանքով, որոնց թվում էր 14 ութհազարական լեռներ գրաված Նիրմալ Պուրջան (լուսանկարում)։
- հուլիսի վերջին երեք օրերին Մարոկկոյից Սեուտա է մտել շուրջ 50.000-60.000 միգրանտ, ինչի հետևանքով իսպանական կողմում գրանցվել է առնվազն 57 մահ և ստեղծվել է հումանիտար լուրջ ճգնաժամ:
- հուլիսի 20-ից Միացյալ Թագավորության վարչապետ է դարձել Էնդի Բերնհեմը (լուսանկարում)։
- հուլիսի 19-ին Հյուսիսային Ամերիկայի երեք երկրներում կայացած առաջնությունում ֆուտբոլի աշխարհի չեմպիոն է դարձել Իսպանիայի հավաքականը։
- հուլիսի 3-ին Կեյկո Ֆուխիմորին դարձել է Պերուի պատմության մեջ ընտրություններում հաղթած առաջին կին նախագահը։ Նա երկրի նախկին նախագահ Ալբերտո Ֆուխիմորիի դուստրն է։
Վերջերս մահացածներ՝ Նիրմալ Պուրջա • Ֆրանկո Բարեզի • Քևին Քիգան • Սեմ Նիլ • Բոնի Թայլեր • Արտաշես Ալեքսանյան
Գիտե՞ք, որ․․․
- ․․․Գերմանիայի հորինված քաղաքական գործիչը ոչ միայն «աշխատել» է խորհրդարանում, այլև արժանացել է պաշտոնական հոբելյանական շնորհավորանքների և անվանական կամրջի։
- ․․․ստորաքարշ ղեկավարությանը ծաղրող աֆրիկացի զինվորների երգը Շակիրայի թեթև ձեռքով դարձել է Ֆուտբոլի աշխարհի առաջնության պաշտոնական հիմն։
- ․․․արձաններն էլ կարող են «խոսել»։
- ․․․Նորվեգիայի դեմ խաղում Իսպանիայի հավաքականի այս դարպասապահը նշել է նորամուտը որպես ձախ հարձակվող։
- ․․․18-րդ դարում ծխախոտի ծխով հոգնան (լուսանկարում) համարվել է ջրահեղձներին վերակենդանացնելու ամենաարդյունավետ միջոցներից մեկը և համարվել է արհեստական շնչառության նման կարևոր օգնություն։
- ․․․աշխարհահռչակ առևտրի կենտրոնի տարիներ շարունակ վաճառած «արվեստի գլուխգործոցները» ստեղծել է կեղծարար Պեյ-Շեն Ցյանը Քուինսի իր ավտոտնակում։
Ներկայացում
Վիքիպեդիան առցանց, բազմալեզու, խմբային հանրագիտարանային նախագիծ է, որն աշխատում է վիքի ձևաչափով։ Նախագիծը նպատակ ունի տրամադրել ազատ, հավաստի և ստուգելի բովանդակություն, որը յուրաքանչյուրը կարող է փոփոխել և բարելավել։
Վիքիպեդիան առաջնորդվում է հիմնարար սկզբունքներով, իսկ բովանդակությունը հրապարակվում է Creative Commons BY-SA արտոնագրի ներքո։ Այն կարելի է պատճենել և օգտագործել՝ պահպանելով սույն արտոնագրի պայմանները։ Վիքիպեդիայում ողջ տեղեկատվությունը ներկայացված է ազատ, առանց գովազդի և իր օգտագործողների անձնական տվյալների օգտագործման։
Վիքիպեդիայի հոդվածների հեղինակները կամավորներն են։ Նրանք կոորդինացնում են իրենց ջանքերը համաձայն համայնքում ընդունված կանոնների և ուղեցույցների ու առանց առաջնորդների։
| Այս պահին Հայերեն Վիքիպեդիայում կա՝ | |
| 330 383 հոդված |
692 ակտիվ խմբագիր |
Համագործակցություն
Վիքիպեդիան հանրագիտարան է, որն ստեղծվել և զարգանում է քեզ նման այցելուների կողմից։ Այստեղ գործում է «մեկը բոլորի համար, բոլորը՝ մեկի համար» սկզբունքը։
Առաջին անգա՞մ ես փորձում. օգտվի՛ր օգնության դասընթացից։ Չգիտես՝ ինչի՞ց սկսել. ահա մի քանի խորհուրդ։
Մասնակցի՛ր այս ամիս կազմակերպվող նախագծերին։
- Իսպանական վիքիարշավ
- Հոդվածներ «Գյուղատնտեսական հանրագիտարանից»
- «Վիքիպեդիա» կրթական ծրագիր
- Բժշկական կարևորագույն հոդվածներ
Այս օրը պատմության մեջ
- 1829 թ. – Փարիզի Երաժշտության թագավորական ակադեմիայում (Օպերա Գառնիե) կայացավ Ջոակինո Ռոսինիի Վիլհելմ Տելլ օպերայի առաջնախաղը։
- 1903 թ. – ծնվել է Շահան Շահնուրը, ֆրանսահայ գրող, սփյուռքահայ գրականության հիմնադիրներից (մահ. 1974 թ.)։
- 1914 թ. – Առաջին համաշխարհային պատերազմի ժամանակ Գերմանիան պատերազմ հայտարարեց Ռուսաստանին։
- 1960 թ. – Նիգերը հռչակեց իր անկախությունը Ֆրանսիայից։
- 1966 թ. – ծնվել է Գագիկ Գինոսյանը, մշակութային գործիչ, ազգային պարարվեստի մասնագետ, արցախյան ազատամարտի մասնակից (մահ. 2024 թ․):։
- 1994 թ. – մահացել է Ինոկենտի Սմոկտունովսկին, ռուս խորհրդային սիրված դերասան (ծն. 1925):
- 2008 թ. – մահացել է Ալեքսանդր Սոլժենիցինը, ռուս արձակագիր, հրապարակախոս, հասարակական գործիչ, Նոբելյան մրցանակի դափնեկիր (ծն. 1918 թ.):
- 2010 թ. – Հայերեն Վիքիպեդիան հատեց 10 000 հոդվածի շեմը։
