Vesair il code da funtauna da Pablo Picasso

=== Vuschs contemporans ===
[[Salvador Dalí]] è viagià l’emprima giada il 1926 a Paris a visitar Picasso. «Cura che jau sun arrivà tar Picasso era jau commuventà e plain respect sco sche jau avess in’audienza tar il papa.» L’onn 1934 ha Picasso emprestà a Dalí ils daners per viagiar en ils Stadis Unids, ils quals Dalí na dueva mai pajar enavos. La stima dueva pli tard sa midar, els èn daventads concurrents e Dalí cuntrari a Picasso in aderent da Francisco Franco. Famus èn daventads ils suandants pleds da Dalí: «Picasso è pictur, jau er; Picasso e Spagnol, jau er; Picasso è communist, jau er betg.»<ref>[https://akifrases.com/frase/108643 ''Frase de Salvador Dalí''], en: akifrases.com.</ref>

Il scriptur surrealist [[André Breton]] ha manegià che Picasso haja manà a la culminaziun betg da la cuntradicziun dal spiert uman, mabain da la liberaziun da quel.

Il galarist [[Ambroise Vollard]] descriva il 1936 co ch’il public reageschia sin l’exposiziun da las ovras da Picasso: «Mintga nov’ovra da Picasso spaventa il public, fin ch’il smirvegl sa transfurma en admiraziun.»

[[Maurice de Vlaminck]] ha remartgà il 1942 a moda critica: «El na tira nagina lingia, n’applitgescha nagina colur senza clamar en memoria in original. Giorgione, El Greco, Steinlen, Lautrec, mascras grecas e figurinas: El fa diever da tut (...). Il sulet che Picasso na vegn betg da far: in ‹Picasso› che deriva da Picasso.»