Mojtaba Chamenei
| Mojtaba Chamenei | |
 Mojtaba Chamenei in 2026 | |
3de Opperleier van die Islamitiese Republiek van Iran | |
| Ampsbekleër | |
| Termynaanvang 8 Maart 2026 | |
| Voorafgegaan deur | Ali Chamenei |
|---|---|
Persoonlike besonderhede | |
| Gebore | 8 September 1969 Masjhad, Chorasan, Iran |
| Eggenoot/-note | Zahra Haddad-Adel (getroud 1999; oorlede 2026) |
| Kind(ers) | 3 |
| Religie | Sjia Islam |
| Handtekening |  |
Militêre Diens | |
| Lojaliteit |  Iran |
| Diens/Tak |  Grondmagte (1987–1988) Basij (2009–2026) |
| Oorloë/Veldslae | Iran-Irakse Oorlog Iran-oorlog |
Mojtaba Hosseini Chamenei (Persies: مجتبی حسینی خامنهای; gebore 8 September 1969) is ’n Irannese politikus en Sjia-geestelike wat sedert 8 Maart 2026 die derde Opperleier van Iran is. Hy is ’n Lid van die Chamenei-familie en die tweede seun van die tweede opperleier, Ali Chamenei, en hy het as sy vader se adjunk-hoof van personeel gedien terwyl dié opperleier was, en het hy toesig gehou oor toegang tot laasgenoemde se kantoor, asook oor alle politieke en veiligheidsaangeleenthede.
Hy is in Masjhad gebore in die Azeri–Persiese Chamenei-familie en was nege jaar oud toe sy vader as ’n leidende figuur in die Irannese Rewolusie na vore getree het. Hy het vroeë onderwys in Sardasjt en Mahabad ontvang en het sy hoërskoolopleiding in Teheran voltooi; daarna het hy Islamitiese teologie onder leiding van sy vader en Mahmoud Hasjemi Sjahroudi bestudeer. Hy het in 1987 by die Islamitiese Revolusionêre Wagkorps (IRGC) aangesluit en in die Iran-Irakse Oorlog gedien. In 1999 het hy sy studies in Qom voortgesit om ’n geestelike te word, en het hy daarna by die Qom-seminarie as ’n dosent in teologie aangesluit. In 2009 het hy beheer oor die paramilitêre vrywilligersmilisie Basij oorgeneem.
Na die sluipmoord op sy vader tydens die in 'n bomaanval is Mojtaba deur Iran se Vergadering van Kenners as sy opvolger verkies. Hy is vroeër in 2019 deur die Amerikaanse Departement van die Tesourie gesanksioneer as deel van hul beleid om individue wat met Ali Chamenei verbind is, te sanksioneer.[1][2]
Wat politieke ideologie en regsleer betref, word hy as een van die mees hardlyn van die Irannese beginselgesindes beskou, en hy het noue bande met sommige van die “mees ideologies ekstremistiese geestelikes”, volgens ’n verslag van die Atlantic Council.[3] Ontleders meen oor die algemeen dat hy meer geneig is as sy vader om die ontwikkeling van ’n Irannese kernwapenprogram te steun, en ’n herinterpretasie van Ali Chamenei's fatwa teen kernwapens te ondersteun.[4]
Vroeë lewe en opleiding
[wysig | wysig bron]
Mojtaba Hosseini Khamenei is op 8 September 1969 in Masjhad gebore as die tweede kind van Ali Khamenei en Mansoureh Khojasteh Bagherzadeh.[5][6] Sy vyf broers en susters is Mostafa, sy ouer broer, Masoud en Meysam, sy jonger broers, en Boshra en Hoda, sy jonger susters. Sy vaderlike oupa, Javad Khamenei, was ’n arm en lae-inkomste maar diep gerespekteerde Sjia-geestelike en geleerde.[7]
Khamenei is van Persiese afkoms, maar in ’n mindere mate ook Azeri-afkoms, met sy Azeri-wortels wat teruggevoer kan word na Chamaneh, ’n klein dorp in die provinsie Oos-Azerbeidjan waar sy van ontstaan het, en hy het ook verre wortels uit Tafresh.[8][9] Sy familie herlei hul afstamming na Husayn ibn Ali, die seun van Ali, die eerste Sjia-imam, en die kleinseun aan moederskant van die profeet Muhammed. Daarom is Chamenei se middelnaam Hosseini (gespel Husayni in Arabies; beteken “afstammeling van Husayn”).[10]
Sy kinderjare het saamgeval met die tyd toe sy vader as ’n leidende revolusionêr teen die Irannese monargie van sjah Mohammad Reza Pahlavi na vore getree het.[11] Gedurende daardie tyd het hy sewe jaar in die stede Sardasjt en Mahabad in noordwes-Iran deurgebring, waar hy sy vroeë opleiding ontvang het.[12][13] Nadat hy aan die Alavi-hoërskool in Tehran gematrikuleer het,[14] het hy Islamitiese teologie bestudeer. Sy vroeë leermeesters het sy eie vader en Ajatolla Mahmoud Hashemi Shahroudi ingesluit.[5]
Persoonlike lewe
[wysig | wysig bron]Mojtaba gee teologieonderrig by die Qom-seminarie. Hy het in 2004 met Zahra Haddad-Adel getrou. Hul eerste kind is in 2007 gebore.
Volgens die Irannese regering in 2026 is sy vrou, sy ouers en een van sy seuns in die VSA–Israeliese aanvalle gedood.[15][16][17]
Verwysings
[wysig | wysig bron]- ↑ "Treasury Designates Supreme Leader of Iran's Inner Circle Responsible for Advancing Regime's Domestic and Foreign Oppression | U.S. Department of the Treasury". home.treasury.gov (in Engels). Geargiveer vanaf die oorspronklike op 6 November 2019. Besoek op 9 Maart 2026.
- ↑ "Guards push fast Mojtaba Khamenei announcement amid dissent over hereditary rule". www.iranintl.com (in Engels). 5 Maart 2026. Besoek op 9 Maart 2026.
- ↑ Walker, Josephine (8 Maart 2026). "Iran's next supreme leader: Khamenei's hardline son Mojtaba". Axios (in Engels). Besoek op 8 Maart 2026.
- ↑ Clawson, Patrick; Nadimi, Farzin (5 Maart 2026). "What Kind of Supreme Leader Would Mojtaba Khamenei Be?" (in Engels). The Washington Institute for Near East Policy. Geargiveer vanaf die oorspronklike op 9 Maart 2026. Besoek op 9 Maart 2026.
- 1 2 "The Man in the Shadow: Mojtaba Khamenei". PBS. Geargiveer vanaf die oorspronklike op 9 November 2017. Besoek op 5 September 2017.
- ↑ Khalaji, Mehdi (Februarie 2012). "Supreme Succession. Who Will Lead Post-Khamenei Iran?" (PDF). The Washington Institute. Washington, DC. Geargiveer vanaf die oorspronklike (Policy Focus (No. 117)) op 16 April 2014.
- ↑ "فوری/ آیتالله سید مجتبی خامنهای رهبر ایران شد – تسنیم". خبرگزاری تسنیم | Tasnim (in Persies).
- ↑ Encyclopedia of the Peoples of Africa and the Middle East – Facts on File, Incorporated, 2009, p. 79
- ↑ "Iran and the Caucasus – The Triumph of Pragmatism over Ideology – Centre for World Dialogue". worlddialogue.org. Geargiveer vanaf die oorspronklike op 27 September 2013. Besoek op 1 Januarie 2014.
- ↑ Institute of Contemporary History Studies of Iran
- ↑ "Mojtaba Khamenei: The Supreme Leader's Gatekeeper & Guardian". UANI.
- ↑ "Archived copy". Geargiveer vanaf die oorspronklike op 15 November 2025. Besoek op 3 Maart 2026.
{{cite web}}: CS1 maint: archived copy as title (link) - ↑ Mujeeb, Shaik (2 Maart 2026). "Mojtaba Khamenei: The Most Powerful Man You've Never Seen in Iran's Politics".
- ↑ Who Is Mojtaba Khamenei, a Son and Possible Successor of Iran's Supreme Leader? nytimes.com
- ↑ Fassihi, Farnaz (3 Maart 2026). "Ayatollah Ali Khamenei's Son Emerges as Leading Choice to Be His Successor". The New York Times (in American English). ISSN 0362-4331. Besoek op 4 Maart 2026.
- ↑ "Daughter and grandchild of Iran's Khamenei killed in US-Israeli strikes, state media says". Reuters. 28 Februarie 2026. Besoek op 9 Maart 2026.
- ↑ "A son of Iran's late supreme leader is a possible candidate to replace his father as war rages". Arab News. 4 Maart 2026. Besoek op 8 Maart 2026.
Eksterne skakels
[wysig | wysig bron]
Wikimedia Commons het meer media in die kategorie Mojtaba Chamenei.
