Zariya

Masallacin fadar Zazzau

Gidan sarkin Zazzau.

ganuwar Zaria

zazzau place

Kofar kuyan bana zazzau

Zazzau Emirate wall

Zariya rock

zariya Birnin shehu

Photan zamaninra a zariya

bik

Zariya

buk

buk

zaria

tutan zariya

Zariya (Ko kuma da turanci Zaria, sai kuma Zazzau sunan da ake mata lakabi da shi). Zariya gari ne dake a cikin arewacin Najeriya, kuma karamar hukuma ce a jahar Kaduna, tana da iyaka da Funtuwa, babban birnin Kaduna, da kuma Igabi duka a cikin ƙasar Najeriya. A bisa ga ƙidayar jama'a na shekara ta dubu biyu da shidda (2006), jimillar mutane dubu dari bakwai da sittin (700060) ne a garin Zariya, to amman daga bisani an kimanta yawan su a shekara ta dubu biyu da sha bakwai (2017), ga jimillar mutane miliyan daya (1000000). Birnin Zariya tana da kilomita ɗari biyu da sittin (260kms), ne daga garin Abuja, kilomita tamanin (80kms) ne daga Zariya, kilomita dari daya da sittin (160), ne daga Kano. Garin Zazzau an saka masa suna ne daga Sarauniya Amina.

Tarihi Akkan zariya.

Asalin sarakunan zariya Hausawa ne dasu ke mulkan su, wadanda su kayi sarauta tun daga shekara ta dubu ɗaya da ɗari biyar da biyar (1505), zuwa shekarar dubu daya da ɗari takwas da biyu 1802, A shekara ta dubu ɗaya da ɗari takwas da hudu 1804, ne Shehu Usman ɗan Fodiyo yayi jihadi, inda ya yaƙi sarkin gobir mai suna Yunfa, a Yakin kwoto, daga nan ne ya fara yaɗa sarautarsa da musulunci zuwa masarautun Hausawa, A garin zariya kuma akwai Malam Musa wanda ya daɗe yana da’awar zuwa ga addinin musulunci, Malam Musa Bafillatani ne, Jin Jihadin Usman ɗan Fodiyo yasa shima ya karɓi tuta daga Usman ɗan Fodiyo. Da Malam Musa da Yamusa mutumin fulanin Barno suka doso Zariya suka yaƙi sarki Makau ɗan kabilar Hausawa, Makau sai ya gudu shi da mutanensa zuwa Zuba, wani gari ne na Gwari da Koro a yankin Abuja a yau, Malam Musa sai ya zama Sarkin zazzau na farko daga ƙabilar Fulani, bayan rasuwarsa sai aka naɗa Yamusa a shekarar ta dubu ɗaya da ɗari takwas da ashirin da ɗaya 1821, a matsayin sarkin zazzau, shi kuma fulanin Barno ne, daga nan ne Bare-Bari da Fulanin Mallawa suka fara sarauta a kasar zazzau. (Ihayatu (talk) 21:14, 30 Mayu 2023, (UTC)).

zazzau emirate

Birni ne a ƙasar Hausa wanda kuma yana ɗaya daga cikin garuruwan da Shehu Usman ya bada tutar addinin musulunci ya tabbata a ciki. Birni ne mai ɗadin zama saboda yanayinsa gashi kuma babbar cibiyar ilimin addini dana boko a arewacin Najeriya. Wannan gari Allah ya albarkace shi da kasa ta noma da kuma ilimin addinin musulunci dana zamani wanda a dalilin haka ne baki daga maƙotan garin suke zuwa domin neman ilimi kai harma da na ƙasashen waje da kuma mutanen garin Zariya su kansu, Waɗannan garuruwa a wancen lokacin duka suna karkashin mulkin garin Zazzau ne, inda Zariya take a matsayin babban birni, amman yanzu wasu daga cikin waɗannan garuruwan basa ƙarƙashin zazzau. (Ihayatu (talk) 21:14, 30 Mayu 2023, (UTC))

s/n	Garuruwa	Garuruwa
1-2	Anchau	Zaria
3-4		Soba
5-6	Damo	Likoro
7-8	Ɗan Alhaji	Igabe/Igabi
9-10	Garu	Ikara
11-12	Gimba	Zuntu
13-14	Giwa	Richifa
15-16	Fatika	Kargi
17-18	Funkwi	Kauru
19-20	Ɗan Maliki	Lere
21-22	Durum	Kubau
23-24	Ɗan Lawal	Kudan
25-26	Faki	Kuadaru

Mutane.

Asalin mulkin Zariya yana ƙarkashin Sarakunan Hausawa ne, ana kiran garin da zazzau, zakzak ko zegzeg, dukkan waɗannan sunayen ana kiran garin Zaria da shi, amman daga bisani sunan zazzau ya canza zuwa Zariya, A inda kuma sarautar aka fi kiranta da zazzau, shiyasa sarkin garin ake kiran shi da sarkin zazzau, mutanen da suka fito daga garin ana kiransu da suna Bazazzagi, jam’i kuma Zazzagawa.. (Ihayatu (talk) 21:14, 30 Mayu 2023, (UTC))

Sarauta.

Asalin mulkin Zariya tana ƙarƙashin Sarakunan hausawa ne, waɗanda ke mulkan masarautan Zazzau, amma daga baya sarakunan Mallawa da fulani suka haɗa hannu da karfi suka yaƙi sarakunan hausawa a shekarar 1804. Sarakunan Hausawa na farko sun rayu ne a ƙarni na 15, waɗanda a wannan lokacin ba'a iya tina shekarun da sukayi sarauta, amman sarakunan hausawa na biyu sunyi mulki ne a ƙarni na 16, inda aka taskace shekarun mulkin su, har zuwa lokacin da sarakunan Fulani suka yaƙe su, sarkin su na ƙarshe shine Makau a Zariya, a Gobir kuma shine Yunfa.

Sarakunan Hausawa na Farko

s/n	Sarakuna	Shekara
1	Gunguma
2	Matazo
3	Tumsah
4	Tamusa
5	Suleimanu
6	Maswaza
7	Ɗinzaki
8	Nayoga
9	Kauchi
10	Nawainchi
11	Machikai
12	Kewo
13	Bahikarr
14	Majidada
15	Dahirahi

Sarakunan Hausawa na biyu

s/n	Sarakunan Hausa	Shekara
1	Moman Abdu	1505 – 1530
2	Gudan Dan Masukanan	1530 – 1532
3	Nohirr	1532 – 1535
4	Bakwa Turunku	1535 – 1536

• 
  Babbabn Kofar Fada na garin Zaria

Arziki.

Masana'antu

Garin Zariya an san su da sana’o’i daban daban, Garin jere da kajuma suna karkashin Zariya, sun yi suna akan saka ta hannu. Abu mai muhimmancin gaske a kasar Zariya shine Audiga, wanda ake diba daga Zariya da kano zuwa kasashen turawa domin amfanin masana’antu, garin Zariya sun shahara da sakan kayan sakawa, hula, da kuma rini.

Kasuwanci

Zariya gari ne, na kasuwanci da harkar noma.

Noma

Allah ya ba Zariya kasar noma mai kyau.ana noma masara, doya, dawa, dauro, Gero, rake, barkono, shinkafa, dss.

Sufuri

Zariya suna da hanyar sufurin jirgin ƙasa da hada Zariya da garuruwan Lagos , Kano, Abuja da kuma Kaduna (birni).

Ilimi.

Zariya cibiya ce ta ilimin addini da boko, a garin ne jami'ar Ahmadu Bello ta ke, bayan ABU akwai makarantun Ilimi kusan Tara 9 a cikin garin Zariya.Kamar; 1. Federal College of Education ((F.c.e)). 2. Nuhu Bamalli Polytechnic. 3. Ameer Shehu Idris. 4. National Institute of transport Technology((Nitt)). 5. Leather Research. 6. Narict 7. National College of Aviation((Ncat)). 8. Napri 9. Institute of Animal research((I.A.R)). Akwai kuma malaman addinin Musulunci manya kaman; 1. Sheikh Mua'azu 2. Sheikh Abdulkadir 3. Sheikh Yahuza.

Da dai sauran su.

Addini.

Musulunci

Mutanen Zariya ma fi yawancinsu mabiya addinin Musulunci ne.

Kiristanci

Kasantuwar ma'aikatu na Gwamnatin tarayya a garin Zariya da kuma hanyoyin sufuri da yanayin kasuwanci a garin, hakan ya sa mabiya addinin Kiristiyaniti na kara yawa a garin.

Masana'antu.

Akwai masana'antu kamar su "Sunseed", Pz, dasau ransu.

Garuruwa.

A lokutan a garin Zariya akwai Ganuwa, amma daga baya duk an cire su.

• 
  Taswiran dake nuna garin Kaduna da yankin Zaria

Bibiliyo.

• Professor lavers collection: Zaria Province, Arewa House.
• Maiwada, Salihu and Renne, Elisha P. (2007) "New Technologies of Embroidered Robe Production and Changing Gender Roles in Zaria, Nigeria, 1950–2005"
• Gihring, Thomas (1984). "Intraurban Activity Patterns among Entrepreneurs in a West African Setting". Geografiska Annaler. Series B, Human Geography.
• Smith, Michael G. (1960), Government in Zazzau 1800–1950 International African Institute by the Oxford University Press, London, OCLC 293592; reprinted in 1964, and 1970.
• Dan Isaacs (28 September 2010). "Nigeria's emirs: Power behind the throne". BBC News. Retrieved 29 September 2010.

Diddigin bayanai na waje.

• Fayal masu alaqa da Zaria a commons.wikimedia.org
• Asalin tushe

Manazarta.

buk kano