A Vetta de Portufin (Camuggi)
CA |
Sta pagina chi a l'é scrita in camugin |
| A Vetta de Portufin lucalitè | |
|---|---|
(IT) Portofino Vetta
| |
 | |
| Lucalizasiun | |
| Statu |  Itàlia
|
| Regiun |  Ligüria
|
| Sitè metrupulitann-a |  Zena
|
| Cumüne | Camuggi
|
| Teritoiu | |
| Curdinè | 44°20′02.82″N 9°10′18.9″E |
| Artessa | 420 m s.l.m. |
| Abitanti | |
| Atre infurmasiuin | |
| CAP | 16032 |
| Füzu uraiu | UTC+1 |
| Cartugrafia | |
  A Vetta de Portufin | |
A Vetta de Portufin, dita sulu A Vetta ascì, (Portofino Vetta in italian) a l'é üna lucalitè in sciu Munte de Portufin, ch'a fa parte du Cumüne de Camuggi.
Geugrafia
[modìfica | modìfica wikitèsto]_-_panorama.jpg)
A Vetta de Portufin a se tröva in tu mezu fra e frasiuin da Rüa e de San Roccu, in tu teritoiu du Parcu Natürale Regiunale de Portufin, a 420 metri in sciu livellu du mà[1]. Sta lucalitè a l'é missa in scia cresta ch'a chinn-a versu setentriun daa simma du Munte de Portufin (610 m), spartindu u valun du Fusou de Camuggi da quellu du Fosso San Siro, in tu teritoiu de Santa Margaita pe'a frasiun de San Luensu da Costa.
Sübitu a setentriun da Vetta se tröva a regiun de Pianette, ciü u cuscì ditu Monte di Ruta (416 m), mentre a mezugiurnu, primma de muntà versu a simma du Munte, gh'é a regiun de Gaixella. In Gaixella a cresta da Vetta de Portufin a furma ün passu, cunusciüu cumme u passu de Dolcina/Donzina ascì, dau numme da burgà de San Luensu da Costa ch'a se ghe tröva sutta, versu levante.
Sta regiun a l'é cuverta pe'u ciü da boschi che, a l'imprinsippiu, ean pe'u ciü de carpi neigri. Però, scicumme che ste tere faxeivan parte du giardin de l'Hotel Portofino Kulm, u se ghe tröva ancun di erbi ezotici, cumme cipressi de varie menn-e, avé gianchi e, in pò ciü a punente, finn-a de sequoie[2][3].
Storia
[modìfica | modìfica wikitèsto]
Sta regiun a se tröva in te üna puzisiun strategica che però, truvanduse ben in ertu, l'aresta ciütostu distante dae atre vie de cumünicasiun. In ta storia, chi u nu gh'é mai stetu de paixi o de burghè ma, dau Növesentu, A Vetta de Portufin a l'é vegnüa ben ciü impurtante a livellu militare, pe'a radiu, pe'a televixun e pe'u türismu.
St'area a l'é cunusciüa pe'u ciü pe'a prezensa du storicu Hotel Portofino Kulm, ciamou Hotel Portofino Vetta ascì, ch'u l'é stetu inaugürou in tu 1908. Strutüa de lüssu pe di ospiti de cuntu e di eventi internasiunali, a l'ha patiu dai feti de guera, vegnindu üna prexun e ün üspià militare au tempu da Grande Guera e a sede de ün cumandu da Wermacht in ta Segunda Guera Mundiale. Aa giurnà d'ancö l'hotel l'aresta ün scimbulu da Belle Époque, cu'i tentativi de repigialu grassie au sö güstu liberty, ma cun de grosse dificultè pe gestì ün cumplessu cuscì grande. De pocu ciü a valle, lungu a via, se ghe tröva finn-a üna capeletta, cumisciunà dau Sebastiano Gaggini cumme parte du cumplessu.
In ti anni Quaranta, in te sta regiun, gh'ea finn-a üna cazerma di Carabiné, che poi a l'é steta cunvertia au servissiu da növa, grande, antenna radiufonica, tià sciü in tu 1953 e ancun in funsiun, ch'a l'é ün elementu ch'u se ricunusce ben in tu paizaggiu da zona.
Cumünicasiuin
[modìfica | modìfica wikitèsto]
Gaixella, l'intrà ai senté du parcu
I senté in scia Vetta
_-_accesso_ai_sentieri_(1).jpg)
_-_segnaletica_sentieri.jpg)
In scia Vetta de Portufin se ghe pö munta cun de macchine sulu che daa Rüa, lungu a stradda ch'a l'é steta tracià tra u 1904 e u dixembre du 1905 pe arivà a l'hotel. In te atre diresiuin, a Vetta a l'é ligà a San Roccu e a atre lucalitè de Camuggi e de Santa Margaita pe mezu de senté, cun ün'area pe posase ch'a se tröva propiu in Gaixella[2][3][4].
Tempu de stè, l'AMT a mette in servissiu üna curiera picinn-a pe'a cuscì dita linea 974, che daa Rüa a l'ariva finn-a in scia Vetta de Portufin, cun quattru curse au giurnu[5]. Sta linea a repiggia ün servissiu de lunga tradisiun, che pe tantu tempu u l'é stetu purtou avanti daa Ditta Costa Felice, cun sede aa Rüa. Questa, au tempu di anni Quaranta, a gh'aiva finn-a de servissi diretti che finivan in scia Vetta partindu da Reccu, da Santa Margaita, da Rapallu e da Camuggi[6].
Notte
[modìfica | modìfica wikitèsto]- ↑ (IT) Portofino Vetta, in sce portofinotrek.com. URL consultòu l'8 lùggio 2026.
- 1 2 (IT) Portofino Vetta - Monte Portofino, in sce parcoportofino.it. URL consultòu l'8 lùggio 2026.
- 1 2 (IT) Portofino Vetta - Portofino Mare, in sce parcoportofino.it. URL consultòu l'8 lùggio 2026.
- ↑ (IT) Vetta - Bocche - Felciara, in sce parcoportofino.it. URL consultòu l'8 lùggio 2026.
- ↑ (IT) AMT, Lunedì 13 giugno parte BusInVetta: il servizio bus per Portofino Vetta, in sce amt.genova.it. URL consultòu l'8 lùggio 2026.
- ↑ (IT) Servizio interno e cumulativo italiano, in Bollettino commerciale delle Ferrovie dello Stato, Annu XXV, n. 1, Rumma, Tip. Op. Romana, 1 zenà 1940, p. 24.
Atri prugetti
[modìfica | modìfica wikitèsto]
Wikimedia Commons a contêgne di files in sce A Vetta de Portufin